خايف أصحى مالاقيش مصر على سلامه

خايف أصحى مالاقيش مصر

ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر
خايف يوم أصحي..
وأفتح الشباك..
مالاقيش مصر
ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها
مصر البنوتةالحلوة
اللي زي القمر
بقت عجوزة وشايبة
وبان عليها الكبر
خايف يوم أصحي..
وأفتح الشباك..
مالاقيش مصر