أنا المواطن نقط نقط نقط .. على سلامه

- أنا المواطن نقط نقط نقط ..

يكون ف علمك أنا مش جبان ...
ولا بتهان وأسكت زي زمان ..
أنا بصرخ وأكتب وأبعت وأتكلم ..
وأسمع بقي يامعلم ..
أنا المواطن نقط نقط نقط ..
رقم قومي نقط نقط نقط ..





محل الأقامة نقط نقط نقط بجوار البنزينة ..
بصراحة حرام تعملوا فينا نقط ونقط ونقط ..
وتطلعوا نقط و نقط أهالينا ..
عملتوا إنتخابات وكلها نقط نقط نقط ..
وشيلتوا وحطيتوا حاجات نقط ونقط ونقط ..
بصراحة ....
أنا بقيت قدام مراتي حاسس إني مش نقط خالص ..
وأقول لها نفسي أبقي نقط بجد ..
تقوللي يا خويا متحرقش دمك ..
محدش بينفع حد ..
حسك ف الدنيا ..
بكره تبقي نقط ونقط ونقط .. !