مستحيل / الشاعر ياسرعيد

مستحيل
ياسرعيد


كنت نايم
وحلمت حلم
واتفزعت
من اللى شوفته
وقولت لا
مستحيل
مستحيل يكون مصيرها
انى أشوفها
تمد ايدها
لحد ناهب
منها خيرها
مستحيل
العزيزه والكبيره
واللى عالعالم أميره
أشوفها يوم
تكون أسيره
للجبان والعويل
مستحيل
مسكت قلمى
أكتب رساله
صدقونى لا استحاله
حد يقدر يهزها
أو يضيع مجدها
اللى برفع راسى دايما
لما بنطق اسمها
ولا عمرى هارضى يابلدى
بغيرك وطن بديل
مستحيل
مستحيل أنسى جمايلك
ياللى مافيش فى الدنيا زايك
دا انتى للعالم مناره
صدقينى مش خساره
اللى يفكر يوم يبيعك
أو يفكر يوم يهينك
انت تدوسى فوق رقبته
وتعرفيه ايه هى خيبته
اللى يقتل مصرى زايه
مسلم كان أو نصرانى
فكره دا مش فكر المصرى
دا استيراد جاى برانى
فهموه حبه العويل
وايه بيقصد من دا كله
دمار بلدنا واحتلالها
ولا تشتيت شملنا
احنا وولادنا
لاكن احنا مش هنضعف
كل ضربه هتقوينا
ولا هنفكر لحظه ننسف
غير اللى ييجى فى يوم علينا
واللى فاكر بعمايله
هيكون يوم ليهم أمير
احنا بايدنا هانبنى وطنا
وبكره يكون ليهم ذليل
ومستحيل
مستحيل
انى أفرط فى رمله واحده
من أرض مصر ياناس حبيبتى
دى كرامه ياناس وعزه
فى وجودها بلقى هيبتى
هاتوا ايدكوا فى ايدى يلا
نبنى بايدنا ياناس وطنا
بالعمل أو حتى كلمه
المهم نبقى لامه
ويشوفنا العالم دا كله
كلنا ايد بس واحده
واقفين مع بعض بذمه
المصرى بكل رجوله
عارفين بقى فينها العله
وهانزيلها بكل سهوله
وترجع مصر تانى
بالعزه والأمانى
ماهو برده مش معقوله
فكرنا يكون برانى
دا احنا اللى بعلومنا
علمنا العالم كله
بقى ياخدوا العلم منا
ونحتاجه ياناس بذله
وناخد علم منهم
مسرطن بالفساد
والواضح من هدفهم
أكيد هدم البلاد
بقولها بأعلى صوتى
لو فيها هايبقى موتى
مهما حاولوا فى سكوتى
أو منعوا عنى قوتى
عمرى ما هرضى يابلدى
بغيرك وطن بديل
مستحيل


مستحيل
ياسرعيد

مستحيل
انى أفرط فى رمله واحده
من أرض مصر ياناس حبيبتى
دى كرامه ياناس وعزه
فى وجودها بلقى هيبتى
هاتوا ايدكوا فى ايدى يلا
نبنى بايدنا ياناس وطنا
بالعمل أو حتى كلمه
المهم نبقى لامه