مين عذبك بيتخلصوا مني وذنبي إيه بتعذب فيه

مين عذبك بيتخلصوا مني وذنبي إيه بتعذب فيه

ليه العواذل حاسديني دول حقهم يبكوا عليه

أنا اللي مهما تعذبني ساكت على الغلب وصابر

وان شُفت غيري متهني أصبر القلب الحاير

وإمتى بس ح ترحمني هو العذاب ده مالوش آخر

ليه العواذل حاسديني دول حقهم يبكوا عليه

مش لاقي حد يسليني حتى المنام عز عليه

والدمع كان بيواسيني ومنين أجيب دمع عينيه

ما دام حبايبي هجروني مين اللي ح يحن عليه

ليه العواذل حاسديني دول حقهم يبكوا عليه

يا طيف حبيبي اللي عشقته تعال شوف اللي جرالي

يكفي العذاب اللي انا شفته وتكفي فرحة عزالي

ويكفي ليلي اللي سهرته من غير حبيب يبكي لحالي

ليه العواذل حاسديني دول حقهم يبكوا عليه